اســتـــراحــة الـمحــارب

المشروع الاسلامى للدولة  

سياسة Add comments

المشروع الاسلامى للدولة
عندى تساؤل ...
بالرغم من التيارات الاسلامية الكثيرة ...و النشاط الرائع للمفكرين الاسلاميين فى العالم العربى و الاسلامى ...
لم يقدم احدهم ..فرد او جماعة مشروع متكامل للدولة الاسلامية ..؟
قبل ا الناس تسخن و تبتدى ترد .. اقروا الكلام للاخر ..
عندما تريد تسويق فكر معين .. او طرح بديل لشىء موجود .. يجب ان يكون البديل حاهز بالرد على كل الاسئلة ..
انا لا اناقش الاسلام كدين ..خدوا بالكم .. انا اناقش الطرح نفسه .. بمعنى .. عندما اقول ان القران دستور حياة .. نعم .. فهو يحدد المنهج ..اما التفاصيل فتترك عامة ..و اذا دخلت فى نقاش مع اى علمانى تقوله العودة للاسلام هى الحل ..
اللى انا عايزه ان الكلام يكون محدد ..يعنى مثلا ..التعليم ..يكون كذا سنة .. و يكون المناهج فيها كذا وكذا ..و الفصل بين الجنسين فى الدراسة..
و متعملوش زى الدستور اللى اول كلمة فيه ..الاسلام المصدر الاساسى للشريعة الاسلامية .. و تفلى الدستور .. تلاقى اللى يطبق من الشريعة ..احكام الزواج و احكام المواريث ... بس
و النقطة دى غريبة ان محدش اتعرض لها ..
يعنى لازم الناس اللى لها فكر فى البلد ..لازم يطرحوا االبديل .. مش كفاية ان اقول ان ده غلط و مخالف لازم اقدم البديل جاهز .. و بالردود على كل حاجة..
المحاولات القليلة اللى شفتها .. واحدة كانت للدكتور احمد كمال ابو المجد .. و منشورة فى كتاب .. نحو رؤية اسلامية معاصرة .. لكنها اهتمت بالخطوط العامة ..
من غير ما تدخل فى التفاصيل ..
ده الاحزاب العلمانية بيبقى عندها خطط بديلة لخطط الحكومة..و هى فى المعارضة
و فيه مواضيع كتيرة عايزة تبقى واضحة للناس و لنا اقصد الاجانب كمان .. لانك لازم تحط للاجنبى صورة كاملة عن اللى انت بتقوله عليه ..
برضه ارجع تانى و اقول .. ان الوضع مش زى ايام الرسول و الصحابة .. الوضع اللى احنا فيه معقد .. لكثرة الشبهات و الفتن ..و التشكيك من الكفرة و الملحدين من اى حاجة اسمها اسلام...
انا قريت موقع عربى اسمه الخلافة .. موقع كبير جدا انما باللاغم من كتر الكلام .. لم يطرح البدائل فى صورة ...1 2 3؟؟؟
و لا بنفع ما صنعه طالبان فى افغانستان .. الكلام كان صح .. بس التطبيق فشل ...و ده الواقع ...

4 تعليقات

1. عصفور المدينة  
   الخميس, مايو 10, 2007

   جزاك الله خيرا
   الموضوع هام جدا وطويل جدا
   متفق معك تماما مع الإضافات الآتية
   - أعرف شخصيا مفكرين مهتمين بهذاالموضوع تفصيليا ولكن وجهة النظر تكون أحيانا من وجهة نظر تخصصية
   - تعلمت من أحدهم أن التربي في القيادة ممارسة وتنمية تكون موجودة أكثر عند أبناء السياسييين أو في الأسر المشتغلة بالسياسة
   - وجود برامج تفصيلية جدا أعتقد لا يوجد عند أحد بعيد عن الحكم حتى الأحزاب
   - أعتقد إن هذا الأمر لا يستغرق وقتا طويلا مع وجود مباديء واصول وتعاليم الدين مترسخة وثابتة ومرتبطة بأحداث الحياة
   ومع وجودالكوادر التكنوقراطية المنضبطين بالشرع
   وخاصة أنه يمكن البداية بتعديلات على الواقع الموجود أو الهياكل الموجودة
   وما ينبغي هو دراسة النماذج التي نجحت ولو بشكل جزءي وعدم افتراض شيء منها مرفوضا إجمالا كما قلت فضيلتك عن طالبان
   عارف يا دكتور انا باقول ممكن نقعد نعمل دراسات زي دي ولا يأتي اليوم الذي نحتاجها فيه إلا بعد ان تصبح دراساتنا شيء من الماضي ومرفوض كليا لعدم انسجامه مع الواقع

2. ma 3lina  
   السبت, مايو 12, 2007

   معذرة يا دكتور ولكن أظن ان ما تطالب به حضرتك موجود بالفعل
   
   يعني مثلا دا تموذج في بناء هيكل الدولة
   
   http://www.khilafah.net/index.php
   
   فهل دا ما تقصده حضرتك .. ام أني فهمت بصورة غير سليمة

3. محمد عبد الغفار  
   السبت, مايو 12, 2007

   لأنه لم تصدق النوايا لله بعد

4. ftataljanna  
   الاثنين, يونيو 11, 2007

   بسم الله الرحمن الرحيم
   
   على فكرة انا كمان فكرت فى الموضوع ده وقلت ليه مافيش حد من الناس الكتير اللى بالالاف اللى بيتخرجوا من كلية تجارة مثلا ما يعملوش رسالة دكتوراه او حتى مجموعة عن كيفية تحويل نظام اقتصادى ربوى الى نظام اقتصادى اسلامى بجد فكرت فى الموضوع ده
   
   على فكرة انا فى كلية تجارة لسه طالبة فى سنه اولى
   
   فكرت فى حاجات تانية كتير من نفس النوع يعنى انا واحدة جايز محدش يعرف انى موجودة اصلا فى الدنيا وفعلا فكرت فى بدائل كتير
   
   وادعى لى انى لما اتخرج ارسم واحدة من الخطوط الدقيقة
   
   على فكرة انا قصدي بنظام اقتصادى ربوى يعنى البنوك الربوية والضرائب والفوائد والكلام ده كله
   
   ونستبدله بنظم اسلامية وجمع الزكاة
   
   انا مش عايزة اقول لك انى حاولت احل مشكلة ان الناس كتير اوى فازاى هانحل المشكلة دى ونجمع الزكاة من غير ما الناس تتهرب
   
   وفكرت فى موازنه اسلامية للدولة
   
   انا مش عارفه اقول لك ايه حضرتك طبعا هاتوافق على تعليقى الاول فالكلام ده كله فى الغالب لحضرتك بس
   
   جزاك الله خيرا

إرسال تعليق