اســتـــراحــة الـمحــارب

استراحة عقلية و فكرية لمحارب.. فى دنيا الله .. يبحث عن الحكمة ..

من أنا

صورتي
رحالة فى دنيا الله .. من أرض الى أرض .. اسمع و انصت ... و اعقل ..لعلى اعتبر أبحث عن الحكمة .. فأين أجدها؟

زوار الاستراحة

المتابعون

ابحث فى الاستراحة

بحث مخصص

وصلتنى على الايميل .. و افادنى أحمد شقير انه الكاتب الاصلى لها ... فنعيد الفضل و الحق لصاحبه
المصري هو

اللّي بيفهم في الطب ويشخص المرض ويوصفلك الدوا

وبيفهم في النقاشة والكهربا وتصليح العربيات والطبيخ والسياسة والكورة

وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال
بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش
عنده صينية مكسرات متقسمة لتلات او أربع أقسام لزوم المزاج وعمره ماإستخدمها

ممكن يعدي التلاتين ولسه عايش مع أمه وأبوه وماعندهومش مشكلة
بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

برضه بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية

7 تعليقات

  1. Ahmed Shokeir  

    Ya Pasha this post is mine, I'm the writer of this post on August 2006

    :(

    http://shokeir.blogspot.com/2006/08/84.html#links

  2. ma 3lina  

    نعم يا دكتور ... حضرتك بتنده عليا .. ؟؟
    فيه إيه يا جماعة .. المحارب عرف الحاجات دي عني إزاي .. لازمن فيه جاسوس بناتنا يا ولاد

  3. رفقة عمر  

    بجد فعلا دة اللى بيحصل كل اللى قلته كلنا بنعمله فعلا طيب السؤال ليه كلنا بنعمل كدة وكلنا نسخه واحدة مش دى حاجه غريبه فعلا بجد ضحكت من البوست دة

  4. غير معرف  

    انت اكيد هتتهاجم بالفساد والامبريالية والتسلط ومش بعيد تبقا متخابر مع دولة اجنبيه انت معقولة تجيلك الجرئة تهاجم ام الدنيا لا مش ممكن في زيك في البلد دي

    ده طبعا تهريج احسن حد يفتكر اني بتكلم جدا لاني متفق معاك في الحاجات دي واكتر منها

  5. محمد عبد الغفار  

    الموضوع ده جانى فى الميل يجى من أربع شهور ونشرته فى المدونة ، وبعدين اكتشفت انها اصلاً بتاعه احمد شقير

    جميله اوى فكرة الأيه اللى ضفتها فى مقدمة المدونة

  6. Ahmed Shokeir  

    Thanks Ya Pasha

    :)

  7. Ahmad Hegab  

    كلام الرائع شقير

    شكرا انك رجعتنا ليه تانى

إرسال تعليق