اســتـــراحــة الـمحــارب

11 تعليقات

1. غير معرف  
   الجمعة, مارس 02, 2007

   مين قال مالهاش لازمة
   
   اليومين دول بالذات هافف عليا برنامج اذاعي للاطفال كنت باسمعه وانا في تانية اعدادي من حوالي 15 سنة بعد الفجر ...كنت باقوم اصلي واقعد اذاكر في جو الفجر في فصل الربيع الجميل والبرنامج كان من اذاعة سورية ..ولهجة الحكي بتاعتهم كانت جميلة جدا
   
   
   
   يا ما نفسي اعثر فيها ...بس اكيد البرنامج توقف

2. غير معرف  
   السبت, مارس 03, 2007

   على كده فاكر قصاقيص
   واعترافات ليلية
   والاذاعات التبشيريه
   اللي كنت بصغي ليها على سبيل النكت
   اجمل حاجة بقى القراءات القرآنيه اللي بتيجي من محطات بعيــــــــــــدة وتبقى من نوع القراءات اللي لم نعتدها
   دي ملهاش لازمة دي يادوك؟
   دي بوادر خروجك من حصار الكآبة السابق...اصل اللي يقارن بزمان اكيد تجاوز مرحلة الخنقة
   بداية اسبوع سعيدة باذن الله

3. khaled  
   الأحد, مارس 04, 2007

   فكرتنى ايام زمان
   ايام المدرسة
   و برامج جميلة
   كلمتين و بس
   ربات البيوت
   ابلة فضيلة
   ما يطلبه المستمعون
   سبعة سبعة و اربعين مية و عشرين اذاعة؟
   و الف ليلة و ليلة
   ياااااه
   حاجات كان لازم الواحد يسمعها كل يوم
   الله يرحم دى ايام دلوقت الصبح لازم تلاقى الدش شغال و افلام 24 ساعة
   خلاص الحاجات دى راحت عليها

4. محمد عبد الغفار  
   الأحد, مارس 04, 2007

   أنا بتاع راديو قديم وقديم اوى ، 24 ساعه راديو بدون مبالغه حيث كنت اتركه مفتوح حتى فى ساعات نومى للألتقط اى شئ منه فلو كنت بين النوم واليقظه ولو اقلق مضجعى شئ لثوانى فلا يفوتنى فيها شئ مذاع
   وكنت اعرف الساعه من سماعى لنصف دقيقه فى اى وقت للراديو
   
   ولكن كان هذا قديماً جداً ، الأن لا وقت لأى شئ العمل والأسره التهما كل وقتى فأنام كقالب الطوب واسير كالأنسان الألى او الثور المعلق فى رقبته زراع الساقيه
   
   الحمد لله

5. eldoctor  
   الأحد, مارس 04, 2007

   الصارم الحاسم ..
   محطات سوريا صعب توصلها .. دور على الساتلايت معظم محطات الاذاعة عليها دلوقت

6. eldoctor  
   الأحد, مارس 04, 2007

   الشيماء
   قصاقيص كانت فى صوت العرب ,, واعترافات ليلية بتاع بثينة كامل .. بس ده كان جديد نسبيا لحد ما اتوقف...
   واذاعة مونت كارلو كانت بتشتغل بشيرى بعد ما تخلص
   .. انا كنت باحب الشورت ويف و اجيب المحطات الروسى الموجهة ... كانت تستحق السمع احيانا
   على جنب .. الاكتئاب لم يختف .. و الحل اللى لقيته انى اذاكر .. شوية للدكتوراه علشان الاقى سبب للاحباط

7. eldoctor  
   الأحد, مارس 04, 2007

   khaled
   مازلت اتابع و لكن مش بصورة منتظمة .. عبر الساتيلايت .. كل محطات مصر على النايلسات
   كان فيه برامج خطيرة .. يوم الجمعة .. زى مايعجبناش .. يتاع يوسف عوف .. و برنامج تانى مش فاكر اسمه بس فاكر انعام سلوسة كانت دايما فيه

8. eldoctor  
   الأحد, مارس 04, 2007

   Mohamed A. Ghaffar
   الراديو بيشتغل فى العربية .. او اثناء العمل على الكمبيوتر ..
   اذا كنت مدرب نفسك انك تعمل حاجتين او تلاتة فى وقت واحد ..
   حاليا انا مش مسموح لى اشوف التلفزيون .. اللى شغال على امبىسى ثرى او سبيستون فقط .. والنشرة بتاعتى لما جناب سيادته(ابنى) ينام

9. غير معرف  
   الاثنين, مارس 05, 2007

   المدرسة.. الساندويتشات.. الشاي باللبن.. السربعة عشان جرس المدرسة..و أغنية يا صباح الخير ياللي معانا.. أد ايه مبهجة ع الصبح و هي بتقول البدرية ساعة هنية.. و يعقبها غمض عينيك و امشي بخفة و دلع.. الدنيا هي الشابة و انت الجدع.. تشوف رشاقة خطوتك تعبدك.. لكن انت لو بصيت لرجليك تقع.. و عجبي. عمري ما فهمتها و كنت باسمعها لكن انت لو بصيت برجليك.. و كنت باتخيل حد بيبص برجلية و اتساءل.. طيب بيبص برجليه ازاااااااااي؟
   
   اعترافات ليلية؟ كان بيجيب لي اكتئاب.. خصوصا ان الواحد بيبقى سامع صوت المعترف.. باتضايق لما باشوف او اسمع حد و هو في أقصى لحظات ضعفه و اعترافه.. باحس ان من أكون كي أسمع ما يضيق به صدور المعذبين من آلام و احساس بالذنب؟
   
   في نص التسعينات كان فيه برنامج على الإف ام بالانجليزي دمه خفيف اوي بيتكرر فيه اوي جملة and who cares?
   مش فاكرة عنه الكثير غير انه كان لذيذ و بيضحك.
   
   إذاعة مونت كارلو.. مين فاكرها؟ كنت باسمع فيها أغنية لماجدة الرومي لاحظت انها بتيجي في اليوم عشرميت مرة و كل اللي علق معايا فيها لما بتقول وانا كالطفلة في يده كالريشة تحملها النسمات.. بعد كده اتعرفت الأغنية بإسم.. كلمات. كنت برضه باسمع طشاش عن مغني اسمه كاظم الساهر و كان بيغني أغنية غريبة بيقول فيها منتصب القامة أمشي.. مرفوع الهامة امشي.. في يدي مش عارفة ايه كده و على كتفي نعشييييييي و انا امشي و انا امشي و انا و انا و انا امشي.
   
   دكتور.. دوشتك.. بس حديث الذكريات لا ينتهي :)

10. محمد عبد الغفار  
    الثلاثاء, مارس 06, 2007

    أنا لسه غلبان معنديش عربيه بس جبت موبيل رخيص صحيح بس فيه راديو عشان اقدر اسمع، وعارف انه بيشتغل على الكمبيوتر بس مين بيعد على المكتب اصلاً
    
    ربنا يخلى لك ادم ، انا ابنى علد الرحمن سنتين يوم السبت بإذن الله بيتفرج معاى على ماتشات الكوره هاهاهاهاها
    
    الحمد لله

11. eldoctor  
    الأربعاء, مارس 07, 2007

    علا
    ارتباطنا باشياء بسيطة بصورة يومية متكررة .. يخلى الدنيا اصعب اذا الروتين ده اتغير .. انما سنة الحياة التبدل .. والتغيير ..

إرسال تعليق