اســتـــراحــة الـمحــارب

تاج تانى.... اه يانى  

أى كلام والسلام Add comments

تاج جديد من ماعلينا
ياعم التيجان خلصت من البلد بيوزعوا سلاطين فخار اليومين دول ..
المهم
السؤال بيقول
هو عبارة عن اختبار سمات شخصية .. مين أنت في الزعماء

What Famous Leader Are You?
المهم انا خدت الاختبار ده على الاربع مراحل يعنى

. مرة 9 اسئلة و مرة تانية 18 و مرة تالتة 27 و مرة رابعة 45 سؤال
و فى الاربع مرات طلع لى الاخ ده.
و دى حاجة مطمئنة ان فى الاربع اختبارات التقييم واحد يعنى الخطأ المعيارى للاختبار قليل.
المهم ان طلعت المهاتما غاندى ... يعنى طلعت هندى ....؟؟؟
والله فكرة جديدة .. أروح بلاد تركب الافيال .. بدلا بلادنا التى تركب التوكتوك.
طبعا التاج ده لازم يمرر للكل لان الاسئلة بتاعته حلوة.
يلا جاوبوا
بس بجد السؤال بعد تعديله و هو من وجهة نظر ماعلينا
من تشبه من الزعماء من وجهة نظرك؟؟
خلانى أفكر فى الزعماء كلهم من تانى .. ابص لهم و اشوف لو انا مكان كل واحد حاعمل ايه .. والحقيقة ان الزعيم اللى كنت ارى فكره (مع انه لم يستمر كثيرا ) هو الملك فيصل رحمه الله
اما ليه فمش حارد عليها دلوقت خليها بعدين

3 تعليقات

1. Dr.khaled  
   الثلاثاء, أبريل 10, 2007

   الغريب يا زُمُل
   إنهم مش حاطنني من ضمن الرؤساء والزعماء
   مع اني عاملة لنفسي دعاية جامدة جدا في مدونتي
   وكمان عامل صندوق تصويت
   أعمل لهم ايه يعني؟؟
   قوللي بالله عليك
   هو انا وحش؟؟
   منا ليا رجل زيهم
   وايدين زيهم
   
   ومناخير وبق
   والفورامين مجنم بتاعتي كبيرة كمان
   
   فيه ايه ناقص تاني عشان أبقى رئيس؟؟؟

2. ma 3lina  
   الثلاثاء, أبريل 10, 2007

   لا يا دكتور دا هو المهم ليه ..
   طيب أنا قاعد على باب المدونة لغاية ما اعرف ليه ..

3. ADMIN  
   الثلاثاء, أبريل 10, 2007

   مدونة جامدة اول مرة ازورها بس بجد جامدة بالتوفيق

إرسال تعليق