اســتـــراحــة الـمحــارب

افكار مشتتة  

خواطر Add comments

فى رأسى أفكار كثيرة .. وفعلا مشتتة

اولا عندى أكثر من 10 مواضيع جاهزة تنتظر الطباعة(اصلى اكتب بالقلم أولا .. واشطب و اعدل .. و بعدين اطبع على الكمبيوتر) يا اما كده يا ما أعرفش أركز و حاليا عايز اختصر المواضيع (مع ان ما ينفعش فيها الاختصار .. بس علشان الناس ما تزهقش) ... يارب

ثانيا عايز اضيف قسم جديد .. او يمكن أعمل مدونة لوحدها و بافكر يكون اسمها أنا و ابنى .. .. عايز أحط فيه تجارب الحياة بين الاب و أولاده ..
ازاى نوصلهم الدين والاخلاق و الدنيا ببساطة... لانهم حيعيشوا فى زمن الله وحده يعلم كيف سيكون
ثالثا كنا اتكلمنا قبل كده على موضوع شهرى يشارك فيه مجموعة من المدونين .. كل واحد من وجهة نظر ..
فانا عايز اقتراحات .. من الناس .. و بعدين نستقر على موضوع نشتغل فيه فى شهر مايو ...فى انتظار الاقتراحات

رابعا ... حابدا فى نشر كتاب كل أسبوع ... و نفتح باب المناقشة عليه .. ترى هل هناك كاتب محدد ... تقترحونه ؟؟؟
فى انتظار الاقتراحات ...
و.... كفاية كده

7 تعليقات

1. غير معرف  
   الخميس, أبريل 26, 2007

   امممممممممممم
   
   هي فعلا افكار مشتتة
   
   بس القسم اللي عايز تعمله ولا المدونة
   ليه مش تدمجهم كلهم مع بعض وخلاص
   
   انا مش اعرف ايه هو موضوع الاشتراك الشهري دة بس في كلا الحالات انا مش عندي اقتراحات
   بس هستني التعليقات عشان اشوف الاقتراحات اللي موجودة
   واشارك فيها

2. محمد عبد الغفار  
   الخميس, أبريل 26, 2007

   اولاً . . يا صبرك يا اخى بتكتب مرتين
   
   ثانياً . . ان كان عندك ما يستحق (وأظنك كذلك)فبدأ فوراً
   
   ثالثاً . . انا مبعرفش ابتكر ممكن اطور او انفذ انا متفق معاك فى الفكره ومستنى اوامر التنفيذ
   
   رابعاً . . كتاب كل اسبوع كتير الناس مش هتقدر تتابع كويس ومفيش فى مخى اقتراحات للكتاب
   
   تحياتى

3. Dr.khaled  
   الجمعة, أبريل 27, 2007

   حبيبنا الدكتور
   
   انا معاك انك تفتح مدونة تانية للاب وابنه
   بس فيه فكرة تانية جت في دماغي ...بس معرفشي جدواها وهل هي صح ولا غلط
   
   وهي ان بعض المدونين بيكون ليهم حب كتابة قصص او مواضيع طويلة نسبيا
   فمن هنا...اقترح انشاء مدونة تانية بجوار المدونة دي...وتكون خاصة فقط بالتدوينات الطويلة اللي هتتكتب...
   ويتكتب في راس الصفحة ان المدونة دي بها تدوينات مطولة...علشان الداخل يبقى عارف هو فين
   اما بالنسبة للكتاب الاسبوعي
   فهي فكرة طيبة...واطروحة جيدة
   انما زي ما قال الاستاذ محمد
   ان كتاب في الاسبوع هيبقى كتير اوي
   خصوصا وان زي ما انت عارف اكثر المدونين من الشباب واحنا داخلين على فترة امتحانات
   يعني ممكن كتاب كل اسبوعين او 3 اسابيع
   وبحيث ان الكتاب اللي هيكون موضوع النقاش... لازم يكون موجود منه نسخة على النت
   لان مش كل الناس هتقدر تشتريه وممكن ميعرفوش مكانه
   ده راي اخوك...والله اعلم بمدى صحته
   والسلام عليكم

4. eldoctor  
   السبت, أبريل 28, 2007

   smraa alnil
   لسه بأفكر أعمل قسم منفصل ولا مدونة جديدة ..
   تحياتى

5. eldoctor  
   السبت, أبريل 28, 2007

   Mohamed A. Ghaffar
   ممكن نخليه كتاب كل شهر .. بس لمين؟؟
   اقترحوا اسماء لناس .. ممكن نعمل كتاب كل اسبوعين .. و نعمل تصويت على الكتاب اللى بعده .. كاختيار من اكتر من كتاب
   كل الناس اللى بتفكروا فيهم .. كتبهم عندى .. ملفات ادوب اكروبات .. يعنى كل الناس ممكن تنزلهم .. و مش بس عربى كمان انجليزى .. بس حددوا تيار فكرى .. دينى سياسى .. المهم .. انتم تختاروا .. لو على انا .. حانزل كتب محمد الغزالى واحد ورا التانى .. و من بعدهم كتب مصطفى محمود .. وبعدين محمد عمارة ..

6. eldoctor  
   السبت, أبريل 28, 2007

   خالد وليس بخالد
   انا برتب المدونة الجديدة .. بس حتاخد وقت .. لانى مش عايز ابدا بموضوع .. او اتنين و بعدين اقف ..
   فكرة التوينات الطويلة . او المواضيع الكبيرة .. فى دماغى بس بصورة تاني . انى اكتب الموضوع كامل و احطه ملف .. واحط اختصار للموضوع .. واللى مهتم ينزل الملف ..

7. مجهول  
   الأحد, أبريل 29, 2007

   اخي الدكتور
   انا مع الدكتور خالد في اللي قاله
   وعن موضوع الحيره
   انا بقا بقالي اسبوع محتار
   لان بكتب بوستات طويله وكل مره بكتب اعتذار اني بطول
   صراحه عايز برضه اعمل مدونه تانيه بفكر وقضايا تانيه خالص
   بالنسبه لموضوع المناقشه
   فكره ممتازه
   رغم اني معنديش موضوع معين اطرحه
   ....
   السلام عليكم

إرسال تعليق