اســتـــراحــة الـمحــارب

46 تعليقات

1. Bella  
   الخميس, مايو 31, 2007

   عن نفسي لااعلق الا اذا كان التعليق سيضيف جديد
   
   ولا اعلق على طريق الله الله ياسي محمد كما قال العزيز محمد في تدوينته
   
   ولكن معك حق في جزئية ان بعض التدوينات يكون عليها تعليقات بالمئات ومدونات اخرى لايكاد يعلق فيها الا عدد اصابع اليد الواحدة واعتقد ان الشللية في المدونات مثل المنتديات تماما
   
   لو لك شلة تهلل لك كان بها
   
   لو لم يكن لك شلة فسيعلق عندك من يهمه الموضوع او من يعرف مدونتك
   
   لان ربما يكون شخص جديد على التدوين ولايعرف كل المدونات فيعلق في المدونات التي يعرفها حتى تصل له مدونتك
   
   وهكذا
   
   لكن العبرة ليست بعدد التعليقات فلو كانت التعليقات مفيدة فأهلا بها وإن لم تكن كذلك فيكفي عدد قليل اثرى واثمن من تعليقات كثيرة تضيع وقت القارئ ولاتسمن او تغني من جوع
   .
   احببت ان اعلق لاقول رايي رغم انك طلبت الا يعلق عليك احد
   
   معلش بقى ح اقول رايي واتعشى في بيتنا
   
   تحياتي

2. رفقة عمر  
   الجمعة, يونيو 01, 2007

   استاذى الدكتور
   فعلا انا اتعلم منك الاحترام والكلمه الطيبه انا والله كنت ناويه اعلق على البوست اللى فات اللى بيتكلم عن الاختلاف فى الراى ولكن للاسف النت فصل عندى ولما دخلت دلوقتى علشان اعلق وجدت بوست جديد انا على فكرة النت مضايقنى جدا وبيخلينى ازهق لانه كل ما اكتب تعليق يضيع منى
   عايز تعرف ليه فيه ناس بيجيلها تعليقات كتير اولا علشان هما بيلفوا على المدونات كلها ويضعوا تعليق وللاسف السياسه هنا ان اللى يعلق عندى اعلق عنده مش مهم هو كاتب ايه ممن مش يقرأ البوست اصلا بس يثبت حضور وفعلا كلهم يعرفون بعض خارج التدوين او عن طريق التحادث عبر الماسنجر لا تحزن ممكن واحد فقط يدخل ويستفيد منك
   الرسول قال لان يهدى بك احدا خيرا لك من حمر النعم فلا تحزن ولا تلقى بالا بمن لا يهتمون بوضع تعليقات طيب جرب كدة وضع تعليق على كل مدونه تصادفك وادخل وقول دى مدونه عظيمه هاتشوف بقى هناك طوابير واقفه على المدونه والتعليقات بالمئات
   طالما انك مقتنع انك صح فلا يهمك الاخرين يكفى انك تكتب للدين دة يجعل مدونتك من احسن التدوينات

3. عصفور المدينة  
   الجمعة, يونيو 01, 2007

   زعلتني يا راجل ده أنا مواظب وبارجع لحاجات قديمة
   
   طيب اقرأ هذه
   http://ctybrd.blogspot.com/2007/05/blog-post_19.html
   وهذه
   http://ctybrd.blogspot.com/2007/05/blog-post_20.html
   
   وبعدين الأهداف والفوائد التدوينية كثير مش لازم حد يقرا كلامك
   كفاية إنك بتصيغة وتأرشفه

4. عصفور المدينة  
   الجمعة, يونيو 01, 2007

   وبعدين حضرتك باديء تدوين معي
   جالك ضعف عدد الزور اللي جولي
   وأنا ناس قالوا في مدونات احنا بندخل بنكون عايزين نعلق بنلاقي الكلام ما يتعلقش عليه
   :)
   وأنا أقول لك هذه العبارة

5. غير معرف  
   الجمعة, يونيو 01, 2007

   معلش حنعمل دعاية لموقع عندك وله علاقة بالموضوع
   http://who-is-wael-abbas.blogspot.com/

6. غير معرف  
   الجمعة, يونيو 01, 2007

   لا خد الأمور ببساطة يا دوك :)
   أغلب الناس مش بتعلق :)

7. eldoctor  
   الجمعة, يونيو 01, 2007

   Bella
   انا لا ابحث عن عدد التعليقات .. و لا ابحث عن التهليل ..
   انا ابحث عن الحوار المفتقد ..
   ندما اكتب تدوينة ... اكتبها من وجهة نظر خاصة بى .. من واقع علمى المحدود .. او المتعمق .. حسب الموضوع ففى احيان يكون عندى كم كبير من المعلومات.. و لا اعرف كيف الخص المعلومة .. فاكتب بدايات .. وانتظر تفاعل الردود لتطوير الموضوع .. و فى احيان اخرى اكتب .. وانتظر الردود لازداد علما ..
   انما عندما لا اجد هذا و لا ذاك .. تقل الاستفادة
   التدوين ليس اتجاها واحدا .. بل اتجاهين .. فكلانا المدون و القارىء متلقى و مرسل...

8. eldoctor  
   الجمعة, يونيو 01, 2007

   رفقة ..
   انا لست باحثا عن شهرة .. او ارضاء غرور .. وايضا اعوذ بالله ان اكون منافقا او مهللا فى كل تدوينة بلازمة و من غير ..
   المشكلة ببساطة .. اننى احتاج لرد فعل و احتاج الى تفاعل لتصحيح اتجاه المدونة .. و انا لا اؤمن بمبدأ انى ملقيتش حاجة اكتبها .. ده معناه اما ان التدوينة محققتش هدفها .. انها توصل لفكر المتلقى .. و تحرك رد فعل او سؤال .. مش تسقيف ولا تشجيع ... الهدف هو بداية حوار

9. eldoctor  
   الجمعة, يونيو 01, 2007

   عصفور المدينة
   قريت المواضيع اللى انت حطيتها .. و كلها صادقة و اختار مما سطرت
   
   المشاركة في تعميق الفكرة ومعالجة نواحي أخرى من الفكرة
   - إبراز المعارضة للفكرة والنصيحة للكاتب
   تعكس الإنطباع الذي خرج به القارئ
   - بدون التعليقات المدون لا يعرف هل حقق هدفه من التدوين أم لا
   التعليق يفتح باب النقاش والحوار
   
   عدد التعليقات ليس دلالة على علو قيمة التدوينة
   
   انا طبعا اخترت اللى انا شايف انه ماشى مع تفكيرى ..
   
   
   تعرف انى لو فكرت اكتب بس عن الخبرات الشخصية فى واقع حياتى انا حاعمل موقع مش مدونة ..
   انا بطبيعة عملى اتعامل مع البشر فى قمة لحظات الضعف الانسانى .. المرض .. و قمة الصدق مع النفس .. وقت الموت .. فانا ارى الناس من منظور مختلف .. يعنى اعتدت ان ارى الناس فى ابهى صورة كما يحب كل انسان ان يراه الناس .. و اراهم على الحقيقة ..
   و لو كتبت فقط عن تلك النماذج .. لافدت الناس .. بالكثير .. و وقتها قد تكون مدونتى من اشهر المدونات لان الاغراق فى الخصوصيات للاسف هو من عوامل نجاح التدوين ..
   و لكن الهدف ... ماذا استفاد الناس مما كتبت ؟؟؟
   نصيحة .. كله عمال ينصح افتح التلفزيون .. نصايح .. الراديو .. نفس الموضوع .. النت كمية الوعظ و النصائح كثيرة .. و لا اعيب على احد .. واذكر نفسى و اياكم بتقوى الله ..
   و لكن اعظم نصيحة .. هى موضوع تقرأه انت و انا و مليون واحد .. و يرى ما بين السطور نقد لذاته..كأنه رسالة سرية له وحده لا بفهمها غيره .. و ده هدف من التدوينات اللى باكتبها .. ماعرفش حد لاحظ ولا لا .. ان الرسالة تبقى بين السطور مش مباشرة...
   فالتعليق السطحى احيانا بيبين ان التدونة محققتش هدف ..
   معلش طولت فى الرد ... بس حسيت ان ده استكمال لموضوعك

10. eldoctor  
    الجمعة, يونيو 01, 2007

    عياش ..
    انا عارف ان معظم الناس مش بتعلق .. ودى مش المشكلة .. المشكلة ان الناس تقرا ..
    عارف التدون مختلف عن المنتديات ليه .. لان المنتديات الحوار فيها شبه مستمر .. التدون .. بياخد خط فكرى لصاحب المدونة
    يعنى مع احترامى لمدونين كثيرين .. تقدر تعرف كتير عن المدون .. من متابعة كتاباته .. تعرف بيفكر ازاى .. امتى بتفلسف .. امتى بيبقى مخه صاحى ...
    ..
    احيانا باحس ان الاختلاف الفكرى فى مراحل العمر بيبان . يعنى انا دلوقت باقدر اعرف المدون ده شاب ..ولا عجوز زى حالاتى.. من نظرته للامور ...
    النظرة بتختلف ..
    و احيان كثيرة بيبقى الواحد عايز يعرف الناس التانية شايفة اى موضوع ازاى ... ...

11. غير معرف  
    الجمعة, يونيو 01, 2007

    لا يحضرني الا اية في كتاب الله وقفت امامها )كثيرا (رغم انني لست اهلا للاستشهاد
    بالايات
    ولكنها اجابت على سؤال يدور في خلدي كثيرا
    معقولة كل الناس دي غلط؟
    والموقف هنا ينطبق على مئات المدونات التي تحدثت عنها وكلها كلام فاضي او مواقف شخصية ماتهمنيش انا كقارئ في حاجة
    قال تعالى :" قل لا يستوي الخبيث والطيب ولو اعجبك كثرة الخبيث فاتقوا الله يا اولي الالباب لعلكم تفلحون" .
    المائدة 100
    يا دكتور ما تبطلش كتابة فيه ناس غلابة زي حالاتي بتستفيد جدا من كتابات ممتازة زي كتابات حضرتك وبتخليني افكر في حاجات ماكانتش شاغلاني اصلا قبل كدة ومش عايزة اتكلم عن مدونات تانية عشان ما يبقاش اعلان بس المشكله اني مش بالاقي كلام اعلق بيه يساوي قيمة ما قرات فما برضاش اثبت حضور
    وباخد بعضي وامشي
    جزاك الله خيرا

12. ma 3lina  
    الجمعة, يونيو 01, 2007

    السلام عليكم ..
    زي ما حضرتك افتكرت قصة سيدنا يونس عليه السلام .. اللي اظن ربنا سبحانه وتعالى ذكرها مش عشان نعمل زيه .. وإنماذكره عشان ما نعملش زيه
    
    فاصبر لحكم ربك ولا تكن كصاحب الحوت إذا نادي وهو مكظوم
    
    فأنا افتكرت حديث النبي عليه الصلاة والسلام .. عرضت عليا الأمم فجعل يمر النبي ومعه الرهط وجعل يمر النبي ومع الرجل والرجلان وجعل يمر النبي وليس معه شيء ..
    
    هي يمكن مشكلتنا يا دكتور إن إحنا اتعلمنا بالتلقين في المدرسة والكلية والمسجد .. فاللي المعلم بيقول عليه إحنا مش بناقشه .. وبعد ما بيخلص بيسأل حد عنده سؤال فمفيش حد بيرد
    
    طابع مدونة حضرتك تعليمي فبيبقى مفيش كلام ممكن يتقال .. معلش أنا مصر برضه إن مفيش حاجة تتقال لما أكون موافق صاحب التدوينة في كل ما قال .. أو هو بيناقش مسألة أنا ما اعرفش فيها حاجة وجديدة عليا
    
    التدوين كمان اخد إيقاع سريع .. فالمناقشات الطويلة المستمرة اصبحت مش بتستهوي كتير من المدونين .. اعتذر يا دكتور لو قلت لحضرتك إني منهم .. بالمناسبة يا دكتور ما زلت مصر على اختلاف المدونات عن المنتديات .. وللعلم عمري ما كنت مشارك في المنتديات مشاركة حقيقية .. وكنت اكتفي بالزياة على فترات متباعدة
    
    المناقشات والحوارات مكانها المنتديات مش المدونات .. لأن فرصة الرد والحوار فيها متكافئة في المساحة وطريقة الإخراج
    زي ما الدرسات مكانها المواقع
    
    ومش عارف ليه حضرتك بتقول للاسف .. لما ذكرت إن الاغراق فى الخصوصيات هو من عوامل نجاح التدوين .. الاستفادة من خبرات حضرتك الشخصية بالذات كونك طبيب حتبقى أكبر من أي حد .. مش كانوا بينصحونا كتير إن احنا نزور المستشفيات إذا اردنا ان ترق قلوبنا .. لما حضرتك تنقل لنا اللي بيحصل في المستشفيات مش دا حيحقق فايدة ؟؟
    
    والإغراق في الخصوصيات لشخص ملتزم أظنه مفيد جدا في وقتنا دلوقتي اللي بيتصور فيه الشخص الملتزم إنه درويش غايب عن الوعي أو إنه كائن غير بقية الكائنات .. وعموما فمش هو السبب الوحيد لنجاح التدوين .. أكيد فيه اسباب تانية بس لو دورنا وما زهقناش
    
    عموما برضه لو حضرتك مصر على إن يكون اتجاه المدونة عرض دراسات وطرح مواضيع للمناقشة فيبقى زي ما قال الباشمهندس عصفور المدينة .. يكفي استذكار حضرتك للعلم .. ومش مهم عدد المعلقين ولا الزوار .. بس خلي كل كام بوست موضوع من خبرة حضرتك يمكن يكون مقياس لقراء المدونة فعلا ..
    
    تحياتي لحضرتك واعتذر بسبب الإطالة

13. رينـــــــــــا  
    الجمعة, يونيو 01, 2007

    السلام عليكم
    بص انا مقتنعه ان اى نعم الردود مهمه
    بس مش بعددها
    وبعدين ممكن ميه واحاجة تعليق يكونوا بنفس المعنى
    ومش بيقدم ولا يأخر
    وتعلقين تلاته
    يحسسونا بقيمه اللى بنكتبه
    الكيف وليس الكم اخى فى الله

14. Maha  
    السبت, يونيو 02, 2007

    بالعكس يا دكتور .. مدونة حضرتك من المدونات المتميزة والمحترمة جدا وذات فكر معتدل متميز ..
    
    هي بيلا نوهت عن نقطة هامة جدا إن المدونات برضة بتعتمد على مجموعات تعرف بعضها وبترد على بعض .. أنا لفيت في مدونات كتير ولاحظت الحكاية دي بشدة .. وقبل كل ده أنا مدونتي الردود اللى فيها معظمها من ناس أعرفهم سواء من منتدى أو على الماسنجر صاحباتي المقربات
    
    لي ملحوظتين فكريتين ..
    
    هل يا ترى لتصميم المدونة وكثرة العناصر بها ما يربك المتصفح ولا يشعره بالراحة ؟؟
    
    هل التدوينات متخصصة بدرجة كبيرة أو جادة أكثر من اللازم أو طويلة مثلا ؟؟
    
    قد يقرأ قارئ المدونة فيجدها رائعة ومستواها أعلى من المستوى الذي يريده مرتادي المدونات من مقالات أقصر وباسلوب أخف وأكثر مرحا ؟

15. غير معرف  
    السبت, يونيو 02, 2007

    :)
    
    طب اعمل ايه طيب؟ التدوينه بتعجبني بس بلاقي نفسي مش هاضيف جديد في الرد .. زي ما ساعات بيحصل مع الأخ عصفور المدينة و غيره ،، لو يرضيك اكتب (جزاك الله خيرا) في كل رد مش عارف اعلق فيه . انا مستعد.
    
    بس انا بحاول تكون معظم تعليقاتي فيها اضافة أو جديد.
    
    :) و بعدين انتا عايز يعني تستفزنا فبتقول بلاش تعليق هنا .. لا يا عم . ادينا بنعلق اهوه و بصحتنا و الحمد لله.
    
    جزاكم الله خيرا
    
    *واحد يستفيد من معلومة بدون رد . أحسن من ألف زيارة بألف رد لتدوينة هايفة* و أنا كنت زمان من أكثر المدونات شعبية في جيران (قبل ازالة التعليقات القديمة عن طريق الخطأ) . دلوقتي الزيارة للتدوينة 20 و تقريبا لا رد.. و لا ضرر.

16. Dr.khaled  
    السبت, يونيو 02, 2007

    عزيزي الدكتور المحارب
    
    عشان اخرج نفسي من الناس اللي مبيعلقوش عندك
    انا مش بدل الا قليل جدا الفترة دي ويادوب مدونتي بالعافية
    **********
    يا اخي والله مثلك -يستفاد منه-
    
    لكن فيه حاجة
    كون ان اننا نقول ان فلان بالرغم من هيافة مواضيعه وسطحيتها الا انه بيعلق في مدونته الكثير
    دي محتاجين نبص لها من ناحيتين
    الناحية الاولى: الناس اللي بتعلق دي مين..أخلاقهم ايه ثقافتهم ايه..دينهم ايه؟؟
    الناحية التانية: الاطروحة اللي هو بيطرحها غالبا هتلاقي الناس بتكتر في المواضيع اللي بتشتم في الحكومة او بتتكلم عن الحب..وكده
    
    وده بيدل على انك ماشي في الطريق الصح...لأن دايما الانبياء كانوا أقل الناس أتباعاً
    ونسأل الله أن يثيبك
    *************
    لي تعليق اخر
    وهو..لا مانع ابدا ان نتحاور مع الاخر علماني كان او نصراني او شيوعي او غيرهم...ما دام يلتزم ادب الحوار..نعلق في مدونته..وربما يقوم هو الاخر بزيارة مدونتك فيكتب الله له الهداية بسبب زيارته لك
    ثالثا: الموديراشن على الكومنتس بتخللي كثير من الناس متعلقشي..لان انا مثلا بحب لما اعلق اشوف تعليقي مباشرة عشان ممكن يكون فيه غلطة او محتاج ازيد فيه اقوم احذفه واكتبه من جديد
    جرب كده تلغي الموديريشن على الكومنتس..وبرضه متخليش الانونيمس والمجهولين يعلقوا عندك عشان الشتايم
    أنا عامل كده عندي
    والله الموفق

17. محمد عبد الغفار  
    السبت, يونيو 02, 2007

    الجو العام والمزاج العام لا يتناسب مع ما تكتبه
    
    وليس معنى هذا ان تتوقف ، فقط لا تشغل بالك كثيراً بالمردود فرزقك على الله
    
    بقى ملاحظه بسيطه هى سمه الطول لكل مواضيعك تقريباً وهذا يفقدك جزئ لا بأس به من القراء
    
    ادرى ان ما تكب فيه يضطرك لهذا الوضع حتى تجمع الموضوع من اطرافه ولكن لا المزاج العام ولا الجو العام يسمح بذلك كله عاوز سندوتشان تيك اواى مش عشاء فاخر على ضوء الشموع
    
    اعلم ان ما اطلبه صعب ولكنه مقتضيات المرحلة حاول ان توصل ما تريد بعدد اقل من الأسطر والكلمات

18. Unknown  
    السبت, يونيو 02, 2007

    Ya doctor 3agbak keda el nas masadda2o. 3andak rodood belhabal, wi kol rad saf7a wi nos.

19. Unknown  
    السبت, يونيو 02, 2007

    ma3lish ana baktib min america shika bika fa ma3andeesh 3araby. wa 3agaby

20. أبو عمر - الصارم الحاسم  
    السبت, يونيو 02, 2007

    لساني حالي يا دكتور
    (:
    
    اللذيذ في الموضوع مثلا..دخلت عند اخت فاضلة لقيتها مشاورة على موضوعي -وذاكرة المصدر -بتاع الجيش العربي فين
    
    
    الفيديو اثار تعليقات كثيرة عندها.....ومع اني كنت كاتب تلات مواضيع في بعض ، ولا حد اشار للفيديو في تعليقه عندي..ونص التعليقات عندي كانت ردودي على من علق
    (:
    
    
    
    والله خااااالص انا مش متضايق من كده..لا من الأخت ولا عدد التعليقات..والله العظيم مش متضايق وبسطني جدا انها اقتبسته من عندي
    
    
    بس استغربت اوي....هل انا دمي تقيل للدرجة دي
    (:

21. إيمان الحسيني  
    السبت, يونيو 02, 2007

    فيه ناس كتيرة - وممكن أكون أنا منهم - بنقرأ فقط بدون تعليق خاصة إذا كنت موافقة على الكلام إللي مكتوب - زي حالتك دي - أو إذا كان الكلام لا يعنيني في شيء - زي حلات تانية كتيرة -
    
    وبارد فعليا إذا كان الموضوع مُستفز ليا من الناحية الفكرية

22. Unknown  
    الأحد, يونيو 03, 2007

    كما قال الجميع وأوضح ساكرر أنا الاخر نفس الكلام
    انا اقرا لك ولغيرك كثيرا ولكن لا اعلق الا اذا كان لدي جديد او كان لدي تعليق علي موضوع التدوينة او اذا اعحبني جدا موضوعها لا اسجل حضور بالتعليقات واعتقد ان مثلي كثيرون..
    
    فلا تيأس وواصل نشر ما تراه مفيدا للمسلمين لعل الله ان يهدي بك رجلا واحدا فيكون خير لك من حمر النعم
    
    حاجه تانية عن موضوع اسلوب الكتابة واعجاب الناس به ام لا:
    
    المدونة -برأيي- هي مساحه للكاتب يعبر فيها عن نفسه عن ارائه عن معتقداته عن اهتماماته يوصل منها رسالة لغيره بل ربما يكتب فيها ليفضفض عن نفسه يكتب عن اخباره خواطره زي ما انت عملت دلوقتي , اذن المدونة عن صورة 4*6 لصاحبها ولكنها علي شكل حروف , وبالتالي علي الجميع ان يقبل المدونة -اللي هي صورة صاحبها- كما هي !! ولاينبغي ان يتفنن صاحبها في ذلك.
    
    انا عارف ان كلامي صعب وباتفلسف شويه فبيطلع غريب بس يارب عرفت اكون اوصل فكرتي..
    
    واخيرا اني احبك في الله رغم اني لم ارك :)

23. bastokka طهقانة  
    الأحد, يونيو 03, 2007

    شامة ريحة قر او حسد
    :))))
    ربنا يرزقك
    و يطعمك
    و لا يحرمك

24. مجهول  
    الاثنين, يونيو 04, 2007

    الاخ العزيز الغالي
    بعد التحيه و السلام
    اهو يا اخي لقيت عندك تعليق اهوه ههههههههههه
    يا دكتور
    حين راودتني فكرة ان اخرج كتاباتي الي النور عن طريق المدونات منذ ما يقارب العام ونصف او يزيد
    قررت ان اتابع الجو السائد علي المدونات
    او بلغه اهالينا الارضيه يعني
    وجدت ما تقول بالفعل هناك مدونات لا تستحق حتي ان يمسك اصحابها بقلم يكتبون ويعبرون عما بداخلهم وذلك حقهم طبعا وتجد عندهم عشرات التعليقات
    بداية كنت اعتقد ان نجاح المدون بقدر قرائه وبقدر من يعلقون عنده
    وقررت ان ادون
    ومع اول بوست لي اصبحت لا ابالي بالتعليق بصفه عامه بل احيانا افكر في غلقه واتراجع خشيه ازعاج اصدقائي
    فالتدوين اداه خصبه وتجربه رائعه
    ولعلي اكتشفت ذلك اخيرا حين ابتعدت ما يقرب من الشهر عن التدوين والتعليق
    فيا صديقي المحترم
    استمر كما انت حتي ولو لم يكن خطك وحذوك الذي حذوته يلقي رواجا هنا فأنت لا تدون من اجل من لا يقرأ لك
    انت تدون من اجل الاثنين او الثلاثه الذين يكتبون ويعلقون عندك ويقرأون لك
    سيدي الفاضل
    ارجو ابعاد افكارك تلك عن مخيلتك
    فمدونتك كأي مدونه احترمها لا اقيسها ابدا بقدر عدد من علقوا فيها بل اقيسها بقدر ما كتب وعرض من افكار
    ...
    اما بالنسبه للتعليق
    فما ارجوه ان اجد معلقا يناقشني لا ليقول لي
    رائع جميل احسنت برافو
    سيدي الفاضل
    ربما انا نفسي اكتب تلك الجمل في تعليقي
    حين لا اجد ما اضيف لكن يكون غرضي الاول هو اثبات انني قرأت لصاحب المدونة
    فكثيرون يحتاجون للدعم وربما يتشجعون بالتعليقات وهكذا
    استمر يا دكتور فما بدأته ليس له نهاية
    وستلقي جزاؤه يوم لقائه
    تقبل مني خالص الموده والاحترام

25. غير معرف  
    الثلاثاء, يونيو 05, 2007

    مدون مقدمات بقا وكلام كتيرالامر بسيط جدا جدا مش انت بس الي بتكون عندك الردود قليلة كل الكلام المفيد بيكون كده لانه مش بيجي علي هوا النفسي وده امر طبيعي ولو كان الموضوع بكتر الردود كانت مدونات المثليين بقت اعظم المدونات يا عم كبر دماغك الي بينفع الناس هو الي فاضل والباقي بيروح
    الي بستغربله مش كتر عدد الردود علي مواضيع تفاهة لاني عرفت بجد يعني ايه مجاملات في عالم التدوين هي مش مجاملات هي نفاق ومسح جوخ وكلها معارف بقا الي مستغربله ان في ناس بتبتدي كويس اووووي بعدها بتقلب علي الوش القذر للاسف كنت بحترم واحدة وبحس ان نفسي ابقا زيها في اسلوب الكتابة وحسها الوطني لحد ما قلبت علي هالة سرحان عالم التدوين
    الناس كلها عارفة الكويس من الوحش بس الطبيعي ان الذباب بيتلم علي الزبالة والا تقدر تفسر ليه مواقع الجنس زوارها اعلي من اي مواقع تانية مهما كان نوع الخدمات الي بتقدمه

26. Dr.khaled  
    الأربعاء, يونيو 06, 2007

    اتفضل يا اخي الطبيب هنا
    
    
    حول موضوع مشابه على موقع المسلم باشراف الشيخ ناصر العمر
    
    http://almoslim.net/issue/show_issue_main.cfm?id=111&start=1

27. رفقة عمر  
    الخميس, يونيو 07, 2007

    دكتور من فضلك حضرتك فين كل يوم بدخل ومش بلاقى جديد ارجو ان تكون فى احسن حال تعرف ان بسبب بوستك اغلقت التعليقات عندى لاقيت نفسى عايزة اغلق التعليقات
    ياريت يا دكتور تكتب بوست جديد من فضلك

28. منة الله  
    الأحد, يونيو 10, 2007

    دكتور
    
    ادعوك للمشاركة في استفتاء
    
    اكثر 10 مدونات تاثيرا في قرائها
    
    و احب ان اخبرك ان مدونتك تم ترشيحها فعلا
    
    اليك الرابط
    
    http://www.6ef.blogspot.com/

29. أمــانــى  
    الأحد, يونيو 10, 2007

    دكتورنا الفاضل
    انا قرأيت تعليقك عند اختى رفقة
    انا حابة اقولك حاجة لا تحزن اكيد فى حد بيستفيد من تدويناتك وممكن يكون محرج انه يعلق
    او حاسس كلمته مش هتزود
    واوعى حضرتك تزعل نفسك ده حالنا ممكن يكون قلة وقت و انهم مش هيقدروا يعلقوا او انهم بيقرأوها على يومين وحضرتك تكون نتزلت الموضوع التانى واره وهكذا
    وكمان حضرتك لازم تعرف ان مستوى الوطن العربى فى القراءة أصلآ فى النازل يعنى حضرتك لو فى معرض للكتاب هتلاقى عدد الزوار قليل جدآ اما لو فى حفلة للاغانى طبعا هتلاقى الدنيا زحمة
    تحــياتى لحضــرتك

30. BinO  
    الأحد, يونيو 10, 2007

    طبعاً كلام أستاذ عصفور وأستاذة رفقة علي العين والراس ومفيش بعده كلام
    فعلاً الزوار بيأثروا علي حماس الكاتب
    أيكتب لنفسه
    أم يكتب من أجل أحد يهتم
    ألكتابته تأثير
    أم يسبح في دنيا الخيال
    كما قالت رفقة
    هناك حزب أثبات الحضور
    أنا عن نفسي نصف المدونات اللي بدخلها مش بكتب فيها تعليق عادة رغم أنها لناس أحباء الي قلبي
    بس هي سياسة أثبات الحضور
    بس فعلاً الناس الغلابة اللي زي حالاتي مش حيقدروا يعلقوا علي الكتابات الثرية
    فبتكون تلك مشكلة كبري
    طبعاً ديه مش مواساة
    لأني عارف أنك مش بتشتي لينا
    بس هي فضفضة لناس حبايبك
    بينك وبنهم
    محدش سامع حاجة
    حد هنا
    ؟؟

31. eldoctor  
    الثلاثاء, يونيو 19, 2007

    لحظة
    لن اتوقفعن الكتابة لان الهدف هو ايصال العلم .. انما انا ايضا ابحث عن الاستفادة من خلال النقاش
    جزاك الله خيرا

32. eldoctor  
    الثلاثاء, يونيو 19, 2007

    ma_3alina
    جوزاك الله خيرا ..
    انا لست معلما و لا ادعى حتى العلم .. انا طالب علم .. وما اظن و الله اعلم ان ما اتميز به عن غيرى .. انا المصادر المتاحة امامى كثيرة جدا بلا حدود .. فتيسر لى عرض المواضيع و الافكار بصورة اكثر تخصصية ..و ارغب ان يشاركنى الناس فى العلم
    اما موضوع الخواضطر الخاصة فانا افكر فعلا فى الكتابوة .. لان ما اتعامل نمعه كل يوم هو بحد ذاته مدرسة لمن يريد ان يتعلم فن الحياة

33. eldoctor  
    الثلاثاء, يونيو 19, 2007

    رينـــــــــــا
    جزاك الله خيرا ما ابحث عنه ان يقول لى مثلا احدهم .. وضح فى النقطة الفلانية .. او هناك رأى اخر فى دى ..
    انا ابحث عن الحوار

34. eldoctor  
    الثلاثاء, يونيو 19, 2007

    Maha
    جزاك الله خيرا
    اولا انا مش فالح قوى فى التصميم
    بس عندى حاجات كتيرة قوى عايز احطها فى المدونة .. وده خلانى افكر انى احول لموقع
    يعنى الروابط بس لوحدها اكثر من 3000 رابط بلا مبالغة
    و زى ما قلت قبل كده كم المصادر اللى قدامى كبير .. حتى بافكر اعمل موضوع ازاى الواحد يعمل بحث سياسى او دينى .. و او اقتصادى و المصادر فين و ازاى ...
    اسلوب عمل الدراسات بطبيعة ان الواحد ذاكر الماجستير و حاليا فى الدمتوراه خلانى متمرس فى البحث .. و نفسى الناس تعرف تعمل كده و قتها اى موضوع الواحد يكتبه يبقى قيم

35. eldoctor  
    الثلاثاء, يونيو 19, 2007

    باب البحر
    سعادتى بمرور الناس تزيد بالحوار ..
    انا احيانا ابحث عن حوار لتنشيط عقلى
    فاحيانا تفكر فى الموضوع من زوايا كثيرة و تغفل عن زاوية واحدة و تجد من يذكرك بها انا ابحث عن تلك الزاوية

36. eldoctor  
    الثلاثاء, يونيو 19, 2007

    ض/خالد
    اتفق معك فى نوعية المدونات التى تتحدث عن السياسة
    و المشاعر و الذى منه .. وكله بيعلق .. و يفتى ..
    السياسة بحر كبير .. و زمان ايام ما كنت اكتب فى قهوة كتكوت محدش كان بيكتب اكثر منى .. (ماعدا جهاد علشان ابقى صادق)
    بس و بعدين ...
    السياسة مشكلتها ان المنظرين اصحاب الفكر النظرى يتكلم و لا يؤثر و لا يحكم و لا يتحكم .. فهدفه التثقيف
    فاسلوب الحوار بيختلف ... يعنى الشتائم لا تفيد اللهم اننا ناخد ذنوب و خلاص .. تغيير الواقع يحتاج الى اكثر من الكلام و المظاهرات و البانرات اللى بتتحط لتفريغ شحنة معنوية و ارضاء الضمير ان الواحد عمل اللى عليه!!!
    فالسياسة الواحد يكتب فيها بقدر ما تحتاج

37. eldoctor  
    الثلاثاء, يونيو 19, 2007

    Mohamed A. Ghaffar
    اعلم والله ان الناس ملهاش نفس ولا طول بال تقرأ مواضيع طويلة
    انا باكتب نقاط عودة و رجعة للناس ..
    المشكلة انى بافتكر الناس بيعملوا زيى . يعنى انا مدرب على القراءة السريعة يعنى الجرنال مش بياخد منى اكثر من 20 دقيقة . كله بما فى ذلك المقالات الطويلة .. و انا لما باكتب باحاول اعمل زى دراسة او بحث فيه مرجعية يمكن حد يستفيد

38. eldoctor  
    الثلاثاء, يونيو 19, 2007

    على ابو طالب انا بس مستنى لما ترجع من امريكا ولى معك حوار طويل

39. eldoctor  
    الثلاثاء, يونيو 19, 2007

    الصارم الحاسم
    يا اخى خللى اللى يكتب او يقتبس يعمل اللى هوه عايزه المهم العلم ينتشر ...
    انت عامل زى حالاتى معلقينك مش كتير

40. eldoctor  
    الثلاثاء, يونيو 19, 2007

    طـعـمـة
    التعليق يمكن ان يكون بالاضافة .. او بالنقد اوبفتح نقاط جديدة
    تحياتى

41. eldoctor  
    الثلاثاء, يونيو 19, 2007

    احمد الدرعه
    جزاك الله خيرا و احبك الذى احببتنى فيه

42. eldoctor  
    الثلاثاء, يونيو 19, 2007

    bastokka طهقانة
    جزاك الله خيرا

43. eldoctor  
    الثلاثاء, يونيو 19, 2007

    مجهول
    اشكرك على تعليقك و انا فعلا لا اكتب من اجل الثناء او الشكر .. او كما يقول اخونا محمد عبد الغفار .. الله الله يا سى محمد
    انا بادور على افادة الناس
    جزاك الله خيرا

44. eldoctor  
    الثلاثاء, يونيو 19, 2007

    كبير المتشردين
    صدقت ليس الهدف هو الكم فى التعليقات بل الهدف هو النوعية
    جزاك الله خيرا

45. eldoctor  
    الثلاثاء, يونيو 19, 2007

    امانى
    انا لا افكر فى الامتناع عن الكتابة و ان كنت قد فعلت فى لحظات سابقة .. و لكن لما حسبتها لقيت انى باكتلب لوجه الله لنشر العلم ..ز مش لارضاء غرور ولا مصلحة شخصية
    جزاك الله خيرا

46. eldoctor  
    الثلاثاء, يونيو 19, 2007

    bino
    الكتابة تحتاج الى كاتب و قارىء و معلق ..
    و الاهم هو المعلق او المناقش او المحاور لتفنيد الفكر ..
    و اثراء الحوار ...هذا ما اتحدث عنه
    جدزاك الله خيرا

إرسال تعليق