اســتـــراحــة الـمحــارب

13 تعليقات

1. غير معرف  
   الثلاثاء, فبراير 06, 2007

   لا لا متناقش الله يخليك، كدة زي الفل، فتح الله عليك

2. Unknown  
   الأربعاء, فبراير 07, 2007

   ما شاء الله
   بهذه السهولة حرمت الفن بجرة قلم!؟

3. رفقة عمر  
   الأربعاء, فبراير 07, 2007

   دكتور انا حبيت اضع تعليقى علشان تعرف انى كنت هنا انا شايفه ان الفن نفسه حلاله حلال وحرامه حرام يعنى مثلا الشعر الاسلمى فن الاناشيد فن كمان تمثيل قصص الصالحين فن وبجد بتقربنا اكتر من الشخصيه مثلا مسلسل الشيخ الشعراوى او مسلسل خالد ابن الوليد السورى دة فن حلال لكن فن هيفا ء وهبى وفيفى عبدة وكل اللى انت عارفهم اكيد حرام لانهم يضلوا الناس وببيعلموا الناس الرزيله

4. eldoctor  
   الأربعاء, فبراير 07, 2007

   Omar said...
   لا لا متناقش الله يخليك، كدة زي الفل، فتح الله عليك
   أنا مش بناقش .. اللى عايز يناقش يجيب ادلته الاول على جواز الكذب .. فى غير الاصلاح بين الزوجين ... و فى الحروب .. و يجيب دليل على جواز التمثيل و نتنافش ..

5. eldoctor  
   الأربعاء, فبراير 07, 2007

   Tarek said...
   ما شاء الله
   بهذه السهولة حرمت الفن بجرة قلم!؟
   اخى الفاضل انا لا احرم ولا احلل .. ده راى شخصى فى الكذب الملون او المقنن باسم التمثيل .. و الغناء .. لا يلزم غيرى .. ولا افرضه على أحد ..
   اللى عايز يناقش أهلا و سهلا بس يجيب ادلة على كلامه ..
   انا مش باجادل انا باعرض رأى قد يوافقك وقد لا يوافقك ..

6. eldoctor  
   الأربعاء, فبراير 07, 2007

   رفقة عمرsaid...
   دكتور انا حبيت اضع تعليقى علشان تعرف انى كنت هنا انا شايفه ان الفن نفسه حلاله حلال وحرامه حرام يعنى مثلا الشعر الاسلمى فن الاناشيد فن كمان تمثيل قصص الصالحين فن وبجد بتقربنا اكتر من الشخصيه مثلا مسلسل الشيخ الشعراوى او مسلسل خالد ابن الوليد السورى دة فن حلال لكن فن هيفا ء وهبى وفيفى عبدة وكل اللى انت عارفهم اكيد حرام لانهم يضلوا الناس وببيعلموا الناس الرزيله
   
   
   هل الكذب لونين .. ابيض و اسود
   الكذب مباح فى مواضع محددة ..
   و انا مش باتكلم عن الانشاد او الشعر .. دى قصة تانية
   بل و حتى دى .. انا اعتراضى يمتد .. ان واحد اكل عيشه و عمله الاساسى يبقى الانشاد بس حتى لو كان بينشد فى حب الرسول ..
   اعمار الارض هو رسالة الانسان الاساسية .. ده موضوع عايز له تدوينة لوحده

7. ma 3lina  
   الأربعاء, فبراير 07, 2007

   يا دكتور حضرتك استخدمت مصطلح الفن وعشان كده يمكن يكون حصل اللبس عند زوارك .. متهيألي حضرتك تقصد التمثيل والمزيكاتية وكل هجاص هلاس .. مش الفن عموما ..
   
   سؤال بره الموضوع يا دكتور .. ليه رفعت بوست فتوى مقتدى الصدر ..

8. eldoctor  
   الأربعاء, فبراير 07, 2007

   ma_3alina said...
   يا دكتور حضرتك استخدمت مصطلح الفن وعشان كده يمكن يكون حصل اللبس عند زوارك .. متهيألي حضرتك تقصد التمثيل والمزيكاتية وكل هجاص هلاس .. مش الفن عموما ..
   سؤال بره الموضوع يا دكتور .. ليه رفعت بوست فتوى مقتدى الصدر ..
   
   يارب الناس تفهم قصدى صح
   موضوع فتوى مقتدى الصدر جارى التأكد من انه اصدر الفتوى فعلا ولا لأ
   علشان ما ننقل عنهم حاجة كذب و تتمسك علينا

9. عمرو عزت  
   الخميس, فبراير 08, 2007

   لا يوجد ما يسمي دليلا علي الجواز
   هناك دليل علي الحرمة و الكراهة أو الوجوب و الندب
   الأصل في الأشياء الإباحة
   
   تحتاج أنت لأنت تثبت أن التمثيل كذب
   و لماذا ليس مثل ضرب المثل الذي يعلم المتلقي أنه ليس حقيقي و الغرض منه توضيح فكرة ما بتمثيلها
   
   كما أنك تحتاج لتعريف اعمار الارض لكي تخرج منه ما يمتع الانسان

10. محمد عبد الغفار  
    السبت, فبراير 10, 2007

    أختلف معك اخى مع كامل احترامى
    
    الفن مطلق وكل مطلق مباح فى الأصل ما لم يرد نص بتحريمه
    
    اما الفن بكيفية معينه فهو ما فيه كلام واراء فلو رسم فنان صورة الكعبة فلا حرج اما وان رسم أمرأة عاريه فقد اثم هو من شارك بأى شكل فيها كمن اشتراها او عرضها او حتى نظر اليها ، وكذلك ان غنى عبد الحليم حافظ يا خالق الزهره فى حضن الجبل فقد أثابه الله حتماً هو ومن شاركه فيها ان كانت نيته لله واما ان غنى قدر احمق الخطى فقد أثم هو ومن شاركه ودفع البعض بكفره
    
    وقد يكون الفن والغناء والتمثيل من الدفع لحركة الحياه ان روعى فيه أعلاء كلمة الله وضوابط الله الشرعيه فى أدائة وان تكون النيه لله بل قد يصل لحد ان يكون فرض كفايه فى اوقات معينة أظننا فيها
    
    اما التهتك وهتك الضوابط الشرعيه فمرفوض شكلاً وموضواعاً واوافقك فى كل ما تذهب اليه فى هذا الأتجاه
    
    أرجوا الا اكون اغضبتك
    
    أما الدفع بان التمثيل نوع من الكذب فضعيف جداً ومردود عليه ولم اتوقعها منك الصراحه

11. eldoctor  
    السبت, فبراير 10, 2007

    سبحان الله .. انا بأقول رأيى الشخصى .. و حأرد بموضوع كامل عن الفن و رأى الدين فيه ... وحابين رأى اللى بيحلل و رأى اللى بيحرم .. وفى الاخر استفت قلبك و ان افتاك الناس

12. هبههههووب  
    السبت, فبراير 10, 2007

    السلام عليكم
    يشرفنى انى اعلق ف البلوج دة
    اولا انا رأيى ان الفن دة ذى السكينه سلاح ذو حدين لو استخدم صح بيكون مفيد ولو اسيئ استخدامه وتوظيفه بيكون ف منتهى الخطورة
    وكمان انا مقتنعه برأى الاستاذ عمرو خالد بأن الفنانات والفنانين الى بيعتزلوا دول ملهومش حق يقعدوا ف البيت لكن الصح ا الى شايف ان عندة موهبه يوظفها صح ف خدمه الدين والاسلام مش يعتزل ويسيب الفن يضمحل ف ايدين ناس لا تقدر حب الدين والوطن ..مش كدة ولا ايه

13. mhtaurus  
    الأحد, أبريل 13, 2008

    السلام عليكم و رحمة الله و بركاته
    
    أخى الحبيب , هناك فرق جوهرى ما بين الكذب و التمثيل بوجهة نظرى الشخصية , و الفرق هو فى وصف أو تعريف كُلاً منهما و توصيف حالة كُلاً منهما
    
    تعريف الكذب كفعل فى اللغة "هُو الْإِخْبَارُ عَنْ الشَّيْءِ بِخِلافِ ماهُوَ فيه" ببساطة هو إنى أقول كلام أو أرتكب فعل بقصد التحريف و التضليل على المتلقى للكلام أو الفعل
    
    مثال / إنى أقول لك إنى إمبارح كنت فى لندن ... و انا كنت نايم فى بيتنا فى مصر
    
    هذا بالنسبة للفعل , اما بالنسبة لتوصيف حالة الكذب
    فأولا / المتلقى أو المستمع يجب أن يكون فى حالة تؤهله لتصديق ما يستمعه أو يراه من فعل الكذب
    ثانيا / الكاذب نفسه يعرف و يستغل جهل و حالة المتلقى للكذب
    
    فى هذه الحالة يكون هذا كذب
    
    و لكن تخيل معى الأتى / رجل و صديقه يجلسان من الصبح حتى الليل فى منزل أحدهم , و يقول أحدهم للأخر " النهاردة كنت مع الملك حسين .. تخيل
    
    بوجهة نظرى الشخصية هذا هو التمثيل , و مستحيل أن يكون كذباً , لانه الشرط الرئيسى إنتفى تماما و هو جهل المُتلقى و إستغلال الكاذب (الحاكى) لجهل المُتلقى
    
    مثلا عند مشاهدة فيلم ما , فأنا و الممثل على يقين تاماً بأنه يمثل , فلا هو يفعل ما يفعل لتضليللى ! و لا أنا أستمع على أن هذه حقيقة ! لذلك لا أرى أنه يستحيل التشبيه ما بين التمثيل والكذب
    
    و ملحوظة هامة ( أنا لم أتكلم عن الحرام او الحلال , فلم أحرم شيء و لم أحلل شيء .. فقط أتكلم عن الفرق ما بين الكذب و التمثيل ) و الله تعالى أعلم و أعلم

إرسال تعليق